بستضيف المدير زاتو الرائع دمنهوري

انت يا مدير اسأللك سؤال (وقعت قروشك ياسجم) قصيدة مارقة من عمق احساسك احساس بالحرقة انك جاري ورا بنية دايرا تمسكة القروش وتبدا معاها حنك لكن الظاهر هي استلمت القروش وقلالت ليك شكرا وانت بديت في الحنك لكن قالت ليك انا مستعجلة ومشت دون ما تبدى معاها اي برنامج حسيت انك حنكك بيش زي ما بيقولو وحرقك المنظر طلعت القصيدة ما تنكر دة الحصل

مشكور يا حفيد الفكي
اما بخصوص القصيدة انت بالزات سمعتي القصة
اكتر من مرة بس انت مصر علي انو انا داير احنك معاها
عشان تقول ادتني شاكوش (يا يتاع مدنية ههههههههه)

انا بعرف البت دي حق المعرفة وهي فالت لي كدة وبعدين القاضي مابحكم الالمن يسمع المتهم والمجني عليه وانا ماحكمت ساكت

ههههههههههه
والله واتكشفت ياريس
خخخخخخخخخ

اتفضل
1- مدى رضاك عن سير المنتدى حتى الان؟
2- هل يمكن ان يكون في يوم من الايام هذا المنتدى هو الواجهه الاعلاميه الاولى لبيت الضل؟
3- بطاقه شخصيه كامله

الباشمهندس رجل المستحيل ليك التحية
اولاً :
المنتدى طبعاً في البدايات وحتى الاعلان عنو كان ضعيف
وزي ما انت عارف الافتتاح اتزامن مع الامتحانات بتاعة
ناس الجنوبي ورغم ذلك كان التسجيل جيد الي حداً ما وانشاء الله
لي قدام يكون افضل .
ثانياً :
جمعية بيت الضل وزي ما عودة جمهورة الكريم بكل جديد
وهذا الموقع طبعاً اول موقع علي الاطلاق يحمل اسم جمعية
ثقافية جامعبة ان صح التعبير وباذن الله سوف يكون واجهه
للجمعية يعكس الوجه المشرق للجناح الجنوبي ولجامعة السودان
عموماً .
ثالثاً :
الاسم :محمد ابو القاسم الدمنهوري
السكن : سوبا الحلة
تاريخ الميلاد : 6/8/1987م
المهنة: خريج وبادي في الخدمة الوطنية
الحالة الاجتماعية : عاشق متطرف انتمي لتنظيم الحب
الهواية : كتابة الشعر والـــ............

اه يا هندسة

اه يا هندسة اتبهدلت فيها كتير مش كدة شواكيش بالهبل
طيب ننتقل للجزء التاني من الضيافة
اجمل شعور وانت بتعيش معذب وزول ما حاسي بيك ممكن نعرف الزول دة منوا
واجمل شعور انك تكون ماسك طرف توب السحاب
متين بتحس بانو دة الوقت المناسب انك تصنع فيهو المستحيل (بتسطل باختصار متين)

كثير من الناس (حفيد الفكي ) يكتمون المشاعر والاحاسيس
عن من يحبون خشية الصدود (الشاكوش) ويكتفون فقط بالنظرات
والاحلام والتمني وزي ما قلو :
اصعب شئ في الدنيا انك تـــريدلك زول
تهواهو بي اخلاص يبقي العرض والطول
تهديهو باقــــــــة ريد يهديـــــــك للمجهول
اما عني انا فالحمد لله ما معزب بي اي
زول (يا بتاع مدنية ) ومرتاااااااااااح شديد

متين بتحس بانو دة الوقت المناسب انك تصنع فيهو المستحيل (بتسطل باختصار متين)
ما بي الضررة الواحد يسطل عشان يصنع المستحيل
تاني في شئ... ولااصر وشئ...

انا عندي سؤال محرقني شديد
عايزك تحكي لي قصة (بتاع مدنيه ) بالتفصيل الممل وماتنسى اي حاجه
والله ووقعت يا حفيد الفكي

والله يا هندسة دي قصة واحد اخونا
كدة بكااااااااي شديد ومكسر في بنات
مدنية وانا ما داير اقول ليك انو مشوكش
لكن قاطعنو معاهو ستة صفر
وانا ما عارف الزول ده مالو ؟؟؟؟؟
علي العموم انشاء الله بعد التكسر دا
كلو تديهو ريق حلو ما يروح شمار في مرقة
ويا هندسة الزول دا ساعدو شوية تلقاهو
طوالي مشرك في المهندس 2
ههههههههههههههههه

تسلموا الاتنين يا ادهم صبري والدمنهوري بس مانطلع من الموضوع
وسؤال الحلقة :
سر قطع النص شنو (غاشيها قاطع ليها نص ,وعربية برا مكدنشة , وارياح شنو وشعر شنو والجزمة حلوة مورنشة)
؟؟؟؟؟
وشايفك بتميل للقصائد اللقصصية اكتر من غيره ,(الهجاء)برضو عندو نصيب
لكن دة ما سؤالي السؤال انت بتحكي القصة عن تجربتك مع الناس الحواليك (الهمر) ولا نسج الخيال المطابق للواقع

سؤال على الهامش اكتر موقف محرج مريت بيهو

والله ياخوانا انا زول بقرا في مدنية وحفيد الفكي طوالي قاعد معانا وحابي ليهو
بت مننا اسمها ( ) وما مدياه اي اعتبار

لا حول الله ده كلو ياحفيد الفكي وعامل لينا شيخ خخخخخخخ
طيب يامندره
ارفع لي صوره للزول البقعد في المهندس ده

جدا ياحبيب بس ما تنسى انو الفي الكرسي الساخن دمنهوري ما انا
لودايرني في كرسي ساخن افتح لي كرسي براي جميل

ياحبيبنا خلي بالك طوييييييييييييييييييييل انحنا بنهظر

دمنهوري كرهتا الموقع ولا شنو مسجل غياب خلاص مابفتك تعال راجع

حفيد الفكي كتب:: تسلموا الاتنين يا ادهم صبري والدمنهوري بس مانطلع من الموضوع
وسؤال الحلقة :
سر قطع النص شنو (غاشيها قاطع ليها نص ,وعربية برا مكدنشة , وارياح شنو وشعر شنو والجزمة حلوة مورنشة)
؟؟؟؟؟
وشايفك بتميل للقصائد اللقصصية اكتر من غيره ,(الهجاء)برضو عندو نصيب
لكن دة ما سؤالي السؤال انت بتحكي القصة عن تجربتك مع الناس الحواليك (الهمر) ولا نسج الخيال المطابق للواقع

سؤال على الهامش اكتر موقف محرج مريت بيهو

السلام عليكم ورحمة الله
السؤال انت بتحكي القصة عن تجربتك مع الناس الحواليك (الهمر)
اولاً الشعر القصصي هو اسهل انواع الشعر من ناحية المتلقي واصعب
الانواع من ناحية الصياغ (الكتابة) فالمستمع يمكنه من خلال القصيدة
فهم المحتوى دون الحاجة الي ثرد القصة احياناً .
اما بالنسبة للسؤال اغلب القصائد الكتبتها انا كانت من قصص حقيقية
من حولي سوا ان كان من صاحب القصة (المهمر) او هي من تجاربي
الخاصة .سؤال على الهامش اكتر موقف محرج مريت بيهو؟
والله المواقف كتيرة بالزات في المنتديات الثقافية
لكن اطرف واحد خليهو بالنية !!!!!!!!!!!!!!!!!!؟

لك التحية ضيفنا في ساحة منتداك وانشا الله تكون كلامك هو الصاح ما كلامنا وشكرا لطول باللك معنا والعفو والعافية كان غلطتة فيك ولاحاجة(فتيتك)

مشكور يا حفيد الفكي علي الاستضافة
واتمني من الناس التفاعل مع الاسئلة
وعدم الضجر (الجرسة) هههههه
تخريمة :
سخن يا حفيد الفكي وارجى الجاييك
والله الا تطير وتقول ماداير يا .....(مدنية)

يا جماعة حفيد الفكي بيسأل الاستاذ الدمنهوري وبقول ليهوو:
أكتر موقف محرج مريت بيهو؟؟؟؟؟؟(وختينا ليهو اكتر من علامتين استفهام)

أنا أخوكم أيمن الصادق بقرا في مدنية مع اخونا راني ففي الحالة دي هو داير يعرف مواقف الناس المحرجة قدر حقتو ولا لأ....لأنو الاخ حفيد الفكي عندنا كل يوم ماري بموقف محرج مع بتنا بت ((مدنية))...وما قادر يفهم الحتة دي فعليكم الله لو في طريقة تفهموو يا جماعة قولو ليهو انسى الفهم والمهندس2 زاتة قالوو دايرين يقفلوها عشانوو.......هههههههههههههههههههه
Idea

خخخخخهههه طيب يا استاذ ايمن بس ممكن تقول كلامك دة لما اكون مختوت انا في الكرسي الساخن ما تخاف الدور جايني جايني

مع اني جاي متاخر وجديد في المنتدى

الا انو عندي سؤال للباش مهندس الدمنهوري

انا داير اعرف اكتر عن بت حاسوب ياريت تجاوبني

» شكرا ايها الرائع الدمنهور