منتديات بيت الضل الثقافية

منتدى ثقافي يتبع لجمعية بيت الضل الثقافية ( معاَ من أجل ممارسة ثقافية سليمة )
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
بحـث
 
 

نتائج البحث
 
Rechercher بحث متقدم
المواضيع الأخيرة
» قصة تتطفل الميكانيكي على قسم مدنية
الإثنين مارس 18, 2013 1:49 pm من طرف Velver

»  فرحة رجوع
الخميس أغسطس 09, 2012 9:19 am من طرف matadoor1991

» قصه بدون عنوان
الثلاثاء أبريل 24, 2012 4:40 pm من طرف محمد عبد الله عباس (حنفي)

» **بحر العشق**
الثلاثاء أبريل 24, 2012 3:59 pm من طرف محمد عبد الله عباس (حنفي)

» ناامت (كااملة)
السبت أبريل 07, 2012 5:30 am من طرف محمد عبد الله عباس (حنفي)

» ماداير عرس
الأربعاء نوفمبر 23, 2011 3:25 am من طرف الدمنهوري

» حكم العقل
الجمعة سبتمبر 23, 2011 2:58 am من طرف الجنرال

» بيت شعر لمن تهديه
الأربعاء مايو 04, 2011 3:19 am من طرف الدمنهوري

» ***ناامت***
الإثنين مايو 02, 2011 12:22 pm من طرف بكري الامين

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 17 بتاريخ السبت أغسطس 31, 2013 12:35 pm

شاطر | 
 

 ناامت (كااملة)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد عبد الله عباس (حنفي)
عضو في الجمعية
عضو  في الجمعية
avatar

عدد المساهمات : 13
تاريخ التسجيل : 29/05/2010

مُساهمةموضوع: ناامت (كااملة)   الإثنين مارس 05, 2012 2:26 pm

نامت وختت خدها في كتفي
نامت وزرعت خصلتا في خدي
وانا إستنشقت زفير انفاسا
ونمت معاها عيوني مفتحه وما صاحي
****
وما اصلا اصل القصه
هي كانت في الشارع واقفه
وكل الناس الحولها واقفه
وانا ما كت واقف
بس بيني وبينكم كنت بعاين
وبيني وبينا قزاز الحافله
وكانت يا ما شاء الله
اجمل حاجه انا امكن شفتها
من ولدونى ولي هسه
رفعت ايدا عشان ما تاشر
كل الشارع بي عرباتو وقف اصطف
من السوق ولحدي اللفه
وجنب الجامع ولي المستشفه
وزحمه ناس بس يوم الوقفه ............
والعربات اشكال الوان
لوري وتكسيوهايس وبكسي
كوريلا وكامري وكارو وركشه
ويا سبحان الله من الصدفه
خلت كل العربات واقفه
وجات حافلتنا
وقبل ما تركب
كان الدنيا سخانه وصيف
وبعد ما ركبت وقفت
كل الحافله سكتت صمتت
صبت مطره وقلبت جو الحافله خريف
وكل الناس الواقفه تعاين
وحتي الناس الماشه تعاين
وعمك سيد الحافله يعاين
وall thees people are observing for the design
And the design is fantastic and amazing
وابداع ربنا ظاهر وباين
write line go to behind take advance free
مجانا
take care
منها اوع تعاين
Keep your heart from collapsing and declining
Keep your eyes from her shinning
Be all ways out of service
برة الشبكة
and believe me you will be fine
You must be should be of line
وكل الناس ادت اوراقها
خلاص سلمنا بقينا رهاين
وتبقي كويسشن مارك كبيييييره
وين هي حتقعد؟
وكل واحد كان عايز ينزل
غير رايو وفجأه قعد
وكل واحد من الناس الواقفه تحت
ممكن يدفع نص عمرو
كان يلقي مكان لو نص مقعد
وانا اول مره احس بي إني أنا عايز ابقي اناني
جات بي جنبي انا من الخلعه بلعت لساني
واجتريتو سريع تمتمت
وقلت اقوم ليك ياخ تقعدي في مكاني
قالت لي لا شكرا ما بحتاج.......
وانا كنت ناسي بي انو الكرسي الجنبي دا كان فاضي
وقعدت جنبي ويا ريت لو قعدت تاني
وانا من الفرحه قربت اصفق
اصفر اصفق اكورك انطط
واتمنيت لو عمك يضهب
ونحن نحوم لي اليوم التاني
ونوصل لي اخر حته
وننزل منو ونركب تاني
وننزل تاني ونركب تاني
وننزل تاني ونركب تاني
ونقطع تزكرتين لي الفاشر
ونركب ركشه
وقبل ما نوصل بس بثواني
تجينا الكشه
ويقبضو عمك سيد الركشه
ونرجع تاني
ويا ريت لو نرجع كداري
***********
وبعد شويه نسمع صوت تلفون بيطنطن
ظاهر انو عليو سوداني
يضرب ويضرب وسيدو مطنش
وكل العالم ساكت صاني
وفجأه الناس دي تكورك فيني ياخ ما ترد
بعد هبشت جيوبي كويس
عرفت بي انو دا كان تلفوني
ألو أهلا مرحب وين انت؟
والله ياخ ما عارف وين
وجاي متين؟
امكن ما اجي
محمد في؟
والله ياخ انا ما فاضي
وهولسه بينضم ختيت التلفون في جيبي
وانا كنت سرحان ودران ضهبان
فتران ومغبي وما واعي
ولسه ما قادر اعاين فيها
وبعاين يا بي الشباك يا قدامي
********
وبعد شويه احس وكانو في حاجه لمستني
إتلفت سريع إتخلعت قالت لي سوري
ياخ معليش والله ياخ ما كان قصدي
وشكلها كانت نعسانه شديد
ووزن جفونه تقول بي يزيد
ما قادره تفتح بتقاوم بي الطاقه الفي
ومره تفتح ومره تغمد
ومره تغمد ومره تفتح
وكل ما تفتح ولا تغمد
انا بتزيد دقات قلبي
لمن وصلن مليون دقه
ولمن خفت علي صدري
وأخيرا أخيرا أخيرا نامت............
نامت وختت خدها في كتفي
نامت وزرعت خصلته في خدي
وانا إستنشقت زفير انفاسا
ونمت معاها عيوني مفتحه وما صاحي
ولمن ياخي دي غمدت جفنها
رمشها قرب يلمس انفها
حاجبه أطول من اصبع يدها
خدها انعم حاجه في جسمها
واخشن حاجه بتشبه
ملمس طفله في اول عمرها
لونه بيشبه بيضه سنها
سبيبه شعرها اطول منها
جمالا بيظهر حتي في ضلها
خصرها شدت ما ضيق
نصها قرب ينصل منها
شكلها أجمل من أجمل من أجمل واحده
هي كانت اصلا اجمل منها
ومهما كتبت ما اظن اقدر احسن وصفها
مهما كتبت بكون قصرت اكيد في حقها
مهما كتبت مااظن اقدر اوصف
كيف بس كان احساسي في وكتها
كان احساس بي الجد بيحير
عجزت كل حواسي تحسها
كنت محتاج لي حاسه جديده
تعبر عن احساسي في قربها
كان اجمل احساس حسيتو واجمل
لحظه في عمري انا عشتها
كان اجمل احساس حسيتو
واجمل لحظه في عمري انا عشتها.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الدمنهوري
المدير العام
المدير العام
avatar

عدد المساهمات : 241
تاريخ التسجيل : 26/01/2010
العمر : 30

مُساهمةموضوع: رد: ناامت (كااملة)   الأحد مارس 25, 2012 3:10 am

استاذ مافي كلام يا حنفي

_________________
يا ضوء قمر طالـــــع فـــــي ليلــــه شتويـــا
يا صوت قماري تنوح بي كل صفاء وحنيا
يا اصفــاء من النيــــــل يـــا لوحــــة فنيـــا
يا حبيبتـــــي يــــا امــــي يا غاليـــة عينيـا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://batealdool.ahlamontada.com
محمد عبد الله عباس (حنفي)
عضو في الجمعية
عضو  في الجمعية
avatar

عدد المساهمات : 13
تاريخ التسجيل : 29/05/2010

مُساهمةموضوع: رد: ناامت (كااملة)   السبت أبريل 07, 2012 5:30 am

تسلم يا دمنهوري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ناامت (كااملة)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت الضل الثقافية  :: منتديات الكتابات الخاصة :: اعمال اعضاء الجمعيه-
انتقل الى: