خلي بالك..

موضوع: خلي بالك.. الخميس مارس 24, 2011 3:23 pm

التحيه لكل الأعضاء وزوار المنتدى الكرام
الموضوع ببساطه عباره عن وصيه لبنت البلد

خلي بالك..
ربي يعلم بالتشيلو النفس راحه
أوعا ليكي الجامعه تبهر
وتمشي في سكك الإباحه
المواكبه لا تسوقك
أوعا ليها تكوني واحه
عدي أيامك توازن
وفي المبادئ إستراحه
قوِي أيمانك تعلم
وكل خطوه أعرفي صاحه
سيري بي عادات أهلنا
وأملي بيهن كل ساحه
**
في وسطنا الجامعي ياما جنس غبايا
العفاف لابسنو في أطراف العبايه
يستبيحو جهاله حتى الفيهو آيه
وليا حق لو قلت ماهو وسط قرايه
**

ما بعمم قولي بعض الناس أصاله
بالقيم يتماشو ما بيبرو الجهاله
للغلط مابعوسو من عاشر إستحاله
وميه بس من ديله والباقين عطاله
العلم للصح بيفهم حقو يسمو ويرتقيبو
مابيخلي الواعي يجهل عرف أجدادو ويسيبو
مجتمع يا غاليه طايش والغريبه بيدري عيبو
إلا آه فهم التحضر مابيفيج للصاح دريبو
**
في الأصل والله عارفك بت بلدنا وبت أصيله
القيم جواكي لاطارف يحيلا
إلا خوفي عليكي من عوج العديله
ما العديل في الجامعه رافضاهو القبيله
**
الولد بي كضبو للبت يحلا ليها
ودون حساب لي دينو يمسكا من إيديها
في الجلوس يلتصقو يتكي حين عليها
والغريب تلقيهو وشو متل وشيها
**
ما بيبيح عرفينا لي زي ديل نجاري
ونحنا فوقم عزه لي شمسم نضاري
الشَعَر ضافرنو والزيت منو جاري
وشي غريب والله ليهو البت تباري
**
دايرك بت بلد متوغي من فك النفوس وتباعا
ودايرك بين بنات الجامعه ليك يبقا السمع والطاعه
واثق من تعيهو كلامي أحرفي ما بتعاني ضياعا
شان كده ليكي ديمه بوصي أحزري من نفوس خداعه
**
الواعين وسطنا أقلا في الإيدين عديل يتعدو
والتابعين سبيل النزوه دايماً للصواب يتحدو
تقضية الفراغ في الفارغي ضمه أنصارا مابيتعدو
وإن جيت للصواب بي أدهى كلمه يردو
**
*

موضوع: رد: خلي بالك.. الأربعاء أبريل 20, 2011 1:05 am

ما بيبيح عرفينا لي زي ديل نجاري
ونحنا فوقم عزه لي شمسم نضاري
الشَعَر ضافرنو والزيت منو جاري
وشي غريب والله ليهو البت تباري

لا شي يقال يا استاذ جمييييييل جدا
دمت بود