الى الدمنهوري

الزول ان سكت مابفيدواصلو سكوتو
زي المسافر لما ينسى مويتو وقوت
ويمكن في الوجع الناس تحكم عليهو بيموتو
شن بفيدقولي بعدما قالو ليك كتوموتو

********\\\
ويادمنهوري كفاك شايفك بقيت كبكابة
ما تشوف للك بنية الاك تدق على بابة
وترجع منكسر زي التقول هرستك دبابة
شوف عيني تلقط في الوسخ مليان هموم كأبة
***********************
ويا دمنهوري...... البنية كان حاقراكا
مداك في الصميم من مروي فتا التاكاا
وانا كت قايللك حريف قادرعليهو هواك
الا عزوز الشفت حداك عديل قصاك
*************************
قال لاهجونك قال......

يا ود الفكي احذر من البتقولو؟..
جاريت بالشعر دمنهوري عرضو وطولو..
ارجاه البجيك من الردود في قولو..
واتحمل كتير حدة لسانو وطولو..
........ .............
اسحب هالكلام وقدملو كلمة اسف..
بتلقاه الخميس في الساحه جنبك واقف..
وان قالك شعر ما ظن بحالك رائف..
تخبت في جبينك وانت ناسي وخايف..
.......... ..........
دي ياها النصيحه وانت البتعرف فعلك..
قبال الندم احسن تحكم عقلك..
بعدين الظهر مين البقيف ويحلك..
من الخوفه ديك حتما بفارقك ضلك..

ويا حمد الحصل عليهواكبر من الادراك
كيف البت تهيينك وبعدالاهانة تتحداك
مارضيت ليك يادمنهوري يااب لسان فتاك
الكلمة كانت شينةوللعمى اكيد غطااك
******
وياحمد الحصل اسأل منو انت معاذ
قالت ليهو بالواضح لاتوريات لا مجاز
وانت ياكوتوموتو قايلانك من الافذاذ
قبال تشخط الكبريتة كت تكب عليها الجاز