يا الصيني مينج جانج جونج
ساناتي يانج سينج سونج
شي نا روتون ميونج
زا لا تا ناران دونج
ده مربوع بالصيني للرائع الصيني.. وقالت ندى القلعه:
شكلو شكل الصيني ولونو لون الصيني..
وده نص مرابيع لي زول بخيل وركب ماسورة خروف..
يا صاحبي الجبر دايما بوقع سيدو..
والزول ان شحد تلقاهو باسط ايدو..
بسرق كان عدم بقطع سلاسل جيدو..
لا بخاف الاله لا بخشى برضو عبيدو..
وخرفك يا البخيل جازاك بيهو الخالق..
ومضحكه للبجيك كان داخل او كان مارق..
فتح يا اخوي ما تبقى زولا سارق..
ده البختى العديل طوالي بفضل عالق..
الزول الكريم ما اظن بكاجر سعدو؟؟
والحر ان وعد تلقاهو حافظ وعدو..
ما بنزل مطر قبال يهزك رعدو..
والزول الكريم بصبح مثبال للبعدو..
مثلك يا البخيل بتضارى حت من ضلو..
والفي نفسو عله حتما تزيد ونعلو..
كفك يا اخوي ما تضمو ليك وتغلو..
ابقى كما الرجال والعندك انفقو كلو..
وخرفك يا خليل فاقد السلام والعافيه..
جربان باللوز والحمى ظاهره وكافيه..
لو جبرك سلم والنيه كانت صافيه..
ما كان ركبوك ماسوره حالجه وشافيه..
اول مره اشوف ضحيه قاطعه الحس..
لا خافت ضبح لا فكرت تندس..
كان شافا الطبيب يفحص عياها يجس..
ما كان شربوك مقلب مرارتو تعس..
خروفك يا البخيل شاكي اللوز والزكمه..
في جوطة الخراف ما شفناه عامل لخمه..
بعد البهدله والسوق وديك الزحمه..
اريتو يضحي ليك ما تلقاه فاقد لحمه..
التحيه ليكم جميعا والتكمله قريبا ان شاء الله.. تحياااااااااات قيييييييييييييييييييييييصر
الرئيسية 
