النص رد على واحده من اجمل القصائد السمعتها فى حياتى للاستاذ الصينى استسمحك عزرا للاقتباس على سبيل الرد
**************
ومشيت على درب الغرام متوكى احلام القلب
سامع منادى على بقول (زمن الزئاب لاذم تعيشو كما الزئاب)
لاكنى شايفو كما الكذب
ومشيت وما همانى بيهو مع انى عايش وفوق لهب.......... انا قلت زول بنطق وهم ويندب مرار حظو الكعب..... ومشيت ما همانى بيهو سافرت فى الدرب الصعب....... لا شفت حيره ولا عزاب تارى الدرب ما كان صعب......ولما الزمن لى يوم ضحك انا عشت زى عيشت الملوك مع انى يوم ما كنت زئب.......
كانت معاى صوت لى غناى.....كانت مناى واخده اخدها الزمان........شالها الفرح شال الامل وسرق معاهو كل الامان........واتبدلت كل الحروف واتغير الكون والمكان.....الدنيا عماها الضلام وسكتت ترانيم الكمان .......... والكون صبح من غير شموس.......واتحولو الناس لى وحوش...... وحبيبتى رحلت دون رجوع واتقيم الحب بى القروش..... فى اللحظه ديك الكل سكت والدمعه وقفت فى الرموش.............. وزمانى بسال وببتسم بس بسمه فى وش زول عبوس..... وكان السؤال "" عندك شنو؟؟؟ وتطلع منو؟؟؟ او ود منو؟؟؟؟
سكت ما جاوبت ليهو وانا حاسى بى خوف وارتياع......... وعرفت انو الحب خداع....... والدنيا غابه وللاسف يا بس تموت او تبقى فى حزب السباع.......... وعرفت شئ؟؟ عرفت شئ عرفت انو الحب كذب وماف زول بمش فوق السحاب......... ودفعت تمن ايامى خوف واهات واشواق وانتحاب........ ببكى وبقول اااااااااااااااااااااه يا عزاب..... والمس سراب ....... واسمع فى صوت بنده واقول (زمن الزئاب لازم تعيشو كما الزئاب)
**************
الرئيسية 
