عدد المساهمات : 241 تاريخ التسجيل : 26/01/2010 العمر : 36
موضوع: طــَــــــــــول فراقك الأربعاء يونيو 30, 2010 12:55 am
الاخوة والاخوات في منتديات بيت الضل ليكم التحية واحب ان اطلعكم علي واحدة القصائد الخاصة التي اصبحة مموسقة (وعشان ناس رماح ديل ما يقولو لي مموسقة دي شنو يعني اتلحنت ) هههههههههه والتحية للاستاذ الفنان الرائع ناجي حسين ملحن الاغنية اتمني انو الاغنية تعجبكم ككلمات الي حين ان تسمعونها صورة وصوت اخليكم مع القصيدة :
طــول فراقك
كنت قايل طول فراقك بمحي ريدك عن قليبي الا برضو لقيت بعادك ذاد عزابي وزاد لهيبي ياما عشت معك ليالي......... وكل ما تطلع شمس انا كت بقول يا شسم غيي عشان ما افرح بي وجودك ومنك اسمع ياحبيبي وكنت قايل....... الفراق لي الزي قاسي وبرضو قلبك ما بطيقو وكيف يطيق قلبك بعادي وقلبي دايما في طريقو يبكي يمل الكون حزن وينعي برضو فراق حبيبو وكنت قايل........ يما فكر قلبي بعدك انو ينسى يعيش ويفرح ينسى همو وجور زمانو ما يسيب لي حزنو مطرح الا لمن شفتك انتي ولما طيفك لي لوح تاني عاود حزني جاني وكيف يطيب قلبي المجرح وكنت قايل......... اي زول في الدنيا بعشق يبقى عارف انو اذنب وذنبو انو بيبقى عارف انو اوعد خان وكزب والبكزب مره واحده حا يعيش ويظل معزب كنتي تبعدي مني دايما لمن اصبح منك اقرب اسي ارحلي مني امشي وخلي قلبي وراك معزب لامن الله يحل قيدو وينتقل لي دنيا ارحب وكنت قايل..........
توماس
عدد المساهمات : 19 تاريخ التسجيل : 13/03/2010 العمر : 36 الموقع : الصحافه
موضوع: رد: طــَــــــــــول فراقك الأربعاء يونيو 30, 2010 8:46 am
اولا التحيه ليك استاذ دمنهورى لكن من خلال النص وواقع الحل يتضح تماما انك اكبر مذنب لانك ببساطه قلت فى نص سابق (اقسمت انى بحبها وملتنى لى حد العشق)
الامبراااااطور
عدد المساهمات : 15 تاريخ التسجيل : 03/10/2010 الموقع : في قلبك
موضوع: ان شاء الله تشحم الأحد نوفمبر 28, 2010 8:26 am
مافي كلام والله يا استاذ انا كنت قايل روحي براي بكاي لكن لقيت روحي لسه بتعلم.. ليك التحيه يا استاذ يا اسطووووووووووووووووره وحاب اقول ليك انا وصلت السودان هسه دي.. تحيات قيييييييييييييييصر
الدمنهوري المدير العام
عدد المساهمات : 241 تاريخ التسجيل : 26/01/2010 العمر : 36
موضوع: رد: طــَــــــــــول فراقك الأحد نوفمبر 28, 2010 11:49 pm
حمد لله علي السلامة يا قييييصر والسودان نور
حفيد الفكي عضو زهبي
عدد المساهمات : 201 تاريخ التسجيل : 30/01/2010 العمر : 32 الموقع : الخرطوم الكلاكلة
موضوع: رد: طــَــــــــــول فراقك الخميس ديسمبر 02, 2010 1:13 pm
والله القصيدة روعة والالحان ماسمعتها لكن سؤالين من عينة اسألة رماح اتلحنت حديث ولا طمبور ؟ وناجي حسين المذيع ولا .....؟ فيينو
الدمنهوري المدير العام
عدد المساهمات : 241 تاريخ التسجيل : 26/01/2010 العمر : 36
موضوع: رد: طــَــــــــــول فراقك الأحد ديسمبر 05, 2010 11:41 pm
لا حولا والله اخير رماح ....؟ اتلحنت بالطمبور اكيد ؟ وناجي حسين دا اختصار لي حسين الجسمي .....! ارتحت كدا شااااااااامبيون ....