مدخل:
شاحد الله الكريم كل البنات بايركسي...
والشرط القطعه السماح زفته تبقه بي تكسي..
يمسكن الظهايمر من غلاوه الجكسي..
يعدمن الكريم يتمسحن بالفكسي....
نص:
هاجس صبح بالجدغريب وسيط علي كل البنات
نساهن الحشمه واصوله ونساهن كمان سمح الصفات
صبحن بلا عزه نفس نكرو الهويه واي زات
كان للوشي ذي صيدليه تلقاهو ملان مستلزمات
الشي البحير في الشنط مستفات ومتنبلات
تحلف تقول شايله العلم حافظه الكتب والمكتبات
تفتح تفجئ بالعلب علب الكريم والماسكرات
تلقه المشط والمنضره ويومن ده كلو مناقرات
ختي القلم وينوالمشط هوي يابنات
غاتو القلوب ماتت عديل الخير هو وله وزمنو فات
والله ما قصدي الشماته والقلتو مهو خزعبلات
لكنو ده الحصل اكيد في عفره كان في الجامعات
ما قصدي اجرح اي زول ما عندي اي مشاحنات
وزي ما بشوف كنتى الكعب قطعآ بلاقي مؤدبات
سودانا جد ما كان كده وبناتنا ماكان عاريات
حليل زمن عزه مهيره يا حسره الماضي اللفات
اتحجبي وارضي الاله شان يسترك يوم الممات
وما تنسي شرفك احفظي وعيشي معيشة الصالحات