ومن دون البنات حبيت لي واحده خنيتا..
بتلم في القروش والله بت عكليتا..
والدقسه الكبيره عارف البلا وحبيتا..
لا بتعرف تعوس لا ولعت كبريتا..
............
يا رب العباد تستر علينا تقدر..
ها البت المرض خلت قليبي يودر..
كيفن نفترق طول الليالي بفكر..
يازاك الكريم خلت مشي مشتر..
.............
نحن ما بنرضى الكلاب تسكن وتاكل جنبنا..
نرميها بي اكبر حجر لو مره غارت حينا..
وتاريها بتحب الكلاب وانا كنت قايلا زينا..
معذوره يا بت السفير عيشتنا طينا مطينا..
.................
ودي الحبيتا يا رماح بتعشق بوبي..
هو راقد جنبها وانا من اساي ادوبي..
ياكل في الجداد وانا بي هناك يا دوبي..
كسره ومويه اه لو كانو بس يدروبي..
................
سهرانين سوا وانا والفراق سالمني..
والحارق حشاي فاقع المرا وآلمني..
ما بتنساهو تب ود الكلاب ظالمني..
مرات سبعه يوم يمشن ولا تكالمني..
............
وشاحد الله الكريم يا بوبي ما تتأنى..
ترجع للعظم والكوشه ليك تستننى..
تبحت في التراب بطنك تسو الزنه..
لا تلقا العظم لا تاني يوم تتهنى..
.........
تقاسمني في المحبوبه..
تقسمك سيخه من عدلك تفت مصرانك..
يبهلك في الارض تحرق تجز شريانك..
امانه تخوفك فاره تشمت فيك حيرانك..
تمرقك من بيوت الناس ترجع تاني خيرانك..
..............
الزول ان عشق انسانه ما بترضيو..
عادي بفارقا وامورا ما بتعنيو..
كمان خلى النباح وقنب يكورك ميو..
يابت البشر يا تنيسيني يا تنسيو..
...........
والبارى الكلاب ما ظني بمشي واكوسو..
خلي يدق جرس ان شاءالله يدق ناقوسو..
مثلك والكلاب تحت النعال بندوسو..
كيف اطرا لي بت حاضنا الكلب بتبوسو..
...............
تحيات قييييييييييييييييصر عذرا للغياب لكن ما زي غيابكم..
الرئيسية 
