بسأل عليك
بسأل عليك ذاتك جواي
وكتين احس إنك هنا
وإنك هناك
وإنك في ذاتا بتشتهيك
بسال عليك من دون احس
لما الجواب في ذاتو يسال في السؤال
انا لسه بسأل عن مجيك
عن أي حاجه تدل عليك
عن النجوم الفي السماء
عن السحاب عن المطر
عن الغيوم عن القمر
عنك وعن كل الحروف
انا لسه بسال فيك سؤال
لمتين دروبك تستريح
ملت خطاويكي السفر
ما عرفت ليك سكه وصول
لا في المحطات البقت
مشتاقه تسمع صوت مشيك
لا في رزازك والمطر
بسال عليك
كلمات
محمد يونس محمد احمد ( ود كبير )